يومي الماليةEnglish
سياسة الخصوصية
يومي المالية (Yawmy Finance) دفتر فلوس مشترك لصاحب الشركة وشركائه، من MindShift. الصفحة دي بتشرح إيه البيانات اللي بنحفظها، وليه، ومين بيشوفها.
آخر تحديث: 4 نوفمبر 2026
البيانات اللي بنحفظها
- صاحب الشركة: بيدخل بحسابه على يومي (الإيميل وكلمة السر بيتحفظوا في يومي، مش عندنا). بنحفظ اسمه ورقم شركته عشان نربطه بالدفتر.
- الشركاء: الاسم ورقم الموبايل اللي صاحب الشركة بيدخلهم، وكلمة السر محفوظة مشفّرة بشكل ما يترجعش (hash) ومش بنعرف نقرأها.
- حسابات الشركة: الحركات (المبلغ، التاريخ، البند أو العميل، الملاحظة)، الحسابات (بنك، محفظة، كاش)، تأكيدات وقفل الشهور، وسجل التعديلات.
- سجل الشركة: مين عمل إيه وإمتى، وكل الأعضاء بيشوفوه.
- على الموبايل: رموز الدخول في الـ Keychain الآمن، والحركات اللي اتسجلت من غير نت لحد ما تتبعت.
بنستخدمها في إيه
- تشغيل الدفتر: الأرصدة والحركات وقفل الشهر لشركتك بس.
- حماية الحسابات: تسجيل الدخول، وإيقاف المحاولات الكتير الغلط.
- الدعم لما تكلمنا على واتساب.
اللي ما بنعملوش
- ما بنبيعش بياناتك، وما بنشاركهاش لأغراض إعلانية.
- ما فيش إعلانات ولا أدوات تتبّع ولا تحليلات من أطراف تالتة في التطبيق.
مين بيشوف بياناتك
- أعضاء شركتك بس، كل واحد حسب دوره (صاحب الشركة، شريك، مشاهد). كل شركة معزولة عن غيرها في قاعدة البيانات.
- مزوّدين بنستخدمهم لتشغيل الخدمة: Supabase (قاعدة البيانات، في أوروبا) و Vercel (الاستضافة).
مدة الحفظ والمسح
- بنحفظ حسابات الشركة طول ما الشركة بتستخدم الخدمة، لأنها سجلات فلوس الشركة.
- الشريك يقدر يمسح دخوله من التطبيق: الإعدادات ← مسح الحساب. بنشيل رقم موبايله وكلمة السر ونخفي اسمه، والحركات تفضل في دفتر الشركة من غير اسمه.
- صاحب الشركة بيمسح حسابه من يومي: www.yawmy.app/delete-account
- التفاصيل في صفحة مسح الحساب: financial.yawmy.app/delete-account
الأمان
- كل الاتصال مشفّر (HTTPS)، وكلمات السر محفوظة مشفّرة، وكل شركة معزولة بقواعد على مستوى قاعدة البيانات.
تواصل معانا
- واتساب: 01006743193 (من مصر) أو +20 100 674 3193.